बिर्तामोड । झापाको गौरादह स्थित मानव उद्धार सेवा केन्द्रमा आश्रित एक वृद्धको मृत्यु भएको छ । धरान घर बताउने अन्दाजी ६५ बर्षीय आनन्द राईको मृत्यु भएको हो ।

राईलाई गत भदौ २९ गते दमकस्थित गोरखा डिपार्टमेन्ट स्टोर अगाडी बेवारिसे अवस्थामा फेला पारि सो सेवा केन्द्रमा राखिएको थियो ।

बुधबार दिउँसो अन्दाजी ४ः३० बजे सुतेकै अवस्थामा मृत फेला परेको जिल्ला प्रहरी कार्यालय झापाले जनाएको छ । मृतक मुटु, कलेजो लगायतबाट पिडित रहेको प्रहरीले जनाएको छ ।